Хәажәкыратәи аоперциаҿы иҭахаз рыхьӡала Ахьӡ-аԥша апарк аҿы ашәҭқәа шьҭарҵеит Аҳазалхратә Еилакы ахадареи аусзуҩцәеи АҲЕ ахантәаҩы Оҭар Хьециа дрыԥхьагыланы. Ажәылара алагамҭа сынтәа 31 шықәса ахыҵуеит.
1993 шықәса хәажәкыра 15 рзы аԥсуа еибашьцәа Аҟәа ахақәиҭтәра рҽазыркит. Ажәылара ԥхьаҟа ишынаскьозгьы, еиҵахеит. Ацәыӡ дуқәа рыманы аԥсуа архәҭақәа шьҭахьҟа ихьаҵыр акәхеит. Хәажәкрыатәи аоперациаҿы иҭахеит 222-ҩык аԥсуа еибашьцәа, 23-ҩык хабарда ибжьаӡит.
Аԥсны аҭоурых аҿы хәажәкыратәи ажәылара ашьакаршәратә рыцҳара ду ҳәа иԥхьаӡоуп.