Аоперативтә-ԥшааратә уснагӡатәқәа рымҩаԥгараан жәабран 2 агәаҭара-аушьҭырҭатә ҭыԥ «Ԥсоу» аҟны Аҳазалхратә Еилакы амаҵзурауааи, Аҩныҵҟатәи аусқәа Русбарҭа ашьаусԥшааратә ҟәша аусзуҩцәеи, иара убас Цандрыԥшьтәи амилициа аусзуҩцәеи Volvo амашьына ааныркылеит. Уи аԥсҟы икын Аԥсны атәылауаҩ Шаматаа. Ахаҵа ихала амашьына асалон иҭигеит апсихотроптә маҭәашьарқәа жәа-ҭоԥк. Урҭ рахьтә ԥшьба «Габапентин Канон» ҳәа ирзанын, фба – «Лирика».
Аԥсны АҩАР аҭцаара-акриминалисттә центр иҟанаҵаза алкаақәа рыла, ҭоԥк иҭан апсихотроптә маҭәашьар прегабалин згәылаз «Лирика» акапсулақәа 75, иааидкыланы 22,5 грамм иҟан. «Габапентин Канон» 60 капсул ыҟан, 18 грамм габапентин агәылан.
Ахаҵа даанкылоуп. Еидкылоу аматериал Аԥсны АҩАР ашьаусԥшааратә ҟәшахьы инашьҭуп.