Аԥсны атуризм аминистр ихаҭыԥуаҩ Дмитри Занҭариеи Аԥсны аенергетикеи атранспорти Рминистрра ахаҭарнак Асҭамыр Бганбеи рхы аладырхәеит АҲЕ имҩаԥнагаз аиԥылараҿы. Дара иалацәажәеит аԥсны-урыстәылатәи аҳәынҭқарратә ҳәаа атауарқәеи атранспорттә хархәагақәеи рыиасра иадҳәалоу иактуалтәу азҵаарақәа.
Ирылацәажәеит аекскурсиатә автобусқәа аҳәаа рахысра иаго аамҭа аеиҳа рмаҷразы иҟаҵатәу, иарбоу атранспорт ахкы аганахьала аҳазалхратә шәҟәҭагалареи аҳазалхратә гәаҭареи рзы априоритеттә режим аиҿкаара ахархәара, иара убас жәларбжьаратәи аидарамҩангарақәа рынагӡара иадҳәалоу апроблемақәакгьы ирылацәажәеит.
Аиԥылара иалахәыз акурорттә сезон қәҿиарала амҩаԥысра алыршаразы уахь иналаҵаны, Аԥсны анагӡаратә усбарҭақәа рыбжьара иааиԥмырҟьаӡакәа аимадареи аусеицуреи рыҟазаара иаҵоу аҵакы ахадара азгәарҭеит.