Акриптовалиута зырҳауа амаинерқәа рымырхит агәаҭара-аушьҭырҭатә ҭыԥ «Ԥсоу» аҟны
Аԥсуа-аурыс ҳәааҿы иаанкылаз Toyota амашьына агәаҭараан Аԥсны Аҳәынҭқарратә Ҳазалхратә Еилакы аусзуҩцәа иаадырԥшит «Whatsminer M30S+» амаининг азы аппаратқәа 3. Аԥсҟы икын Аԥсны атәылауаҩ Колодежныи. Аппаратқәа имхуп. Азинеилагаразы аматериалқәа зегьы АҲЕ аусҭҵааратәии аусеилыргаратәии ҟәшахьы инашьҭуп.
Акриптовалиута зырҳауа амаинерқәа злеиқәдыршәо ахәҭақәа аадырԥшит агәаҭара-аушьҭырҭатә ҭыԥ «Ԥсоу» аҟны
Аԥсуа-аурыс ҳәааҿы иаанкылаз ВАЗ-2107 амашьына агәаҭараан Аԥсны Аҳәынҭқарратә Ҳазалхратә Еилакы аусзуҩцәа ирыԥшааит амаининг хархәагақәа злеиқәдыршәо 26 хешплат, аметалл иалху ахәарҭақәа фба, иара убас алашара ацызҵо хәблокқәа. Аиқәыршәагақәа аҳәаа аиагара иҿазишәеит Аԥсны атәылауҩ Ҭодуа Т.Г. Аиқәыршәагақәа имхуп. Аматериалқәа нашьҭуп АҲЕ аҭҵаареи аилкаареи рыҟәшахьы.
Акциз зқәым асигаретқәа аадырԥшит Гәдоуҭа
Аоперативтә-ԥшааратә уснагӡатәқәа рымҩаԥгараан Аԥсны Ҳазалхратә Еилакы аусзуҩцәа Гәдоуҭа адәқьанқәа руак аҿы акциз зқәымыз 4 520 цыра аҭаҭын аалыҵ аадырԥшит. Асигаретқәа рымхуп. Азинеилагараз аматериалқәа нашьҭуп Аҳазалхратә еилакы аҭҵаареи аилкаареи рыҟәшахьы.
Агәаҭара-аушьҭырҭатә ҭыԥ «Ԥсоу» аҟны Аҳазалхратә еилакы аусзуҩцәа закәаншьаҭада аҳәаа иахыргоз атауар ааныркылеит
Аоперативтә-ԥшааратә уснагӡатәқәа рымҩаԥгараан Аԥсны АҲЕ амаҵзурауаа игәарҭеит Ростовнтәи Аҟәаҟа иаауаз амашьына Neoplan N116, уи аԥсҟы икын Аԥсны атәылауаҩ Чхетиа. Амашьына аидараҭаҵарҭаҟны иԥшаан аргылара-ааглыхратә маҭәахәқәа. Атауар имхуп. Азинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.