АҦСНЫ АҲӘЫНҬҚАРРА АҲӘЫНҬҚАРРАТӘ ҲАЗАЛХРАТӘ ЕИЛАКЫ
АҦШААРА

Акцизтә дыргақәа змамыз аҭаҭын аалыҵ аадырԥшит Аҟәа

Аҟәатәи аџьармыкьаҿы имҩаԥысыз апрофилактикатә усмҩаԥгатәқәа ирылҵшәахеит Аԥсны атәылауаҩ Коиава инапылеидараҿы Аԥснытәи акцизтә дыргақәа змамыз 50 блокк Marshal захьӡу асигаретқәа рыԥшаара. Аҭаҭын аалыҵ имырхит. Азинеилагаразы аматериалқәа Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.

Аҭоубашьҭаҵара ацеремониа мҩаԥысит АҲЕ ахыбраҿы

Аԥсны Аконституциеи аекономикатә интересқәеи рыдгылара шьақәзырӷәӷәо аҭоуба руит Аҳәынҭқарратә Ҳазалхратә Еилакы аусзуҩцәа 25-ҩык. Рҭоуба идикылет АҲЕ ахантәаҩы Оҭар Хьециа. Иара убас, Аҳазалхратә Еилакы амаҵурауаа иргәаладыршәеит АҲЕ амаҵуратә ԥхықәрақәа рынагӡараан иҭахаз аусзуҩцәа.

Закәаншьаҭада «Ҧсоу» аҳәаа иахыргоз аелектронтә сигареҭқәеи аҭаҭын еилаҧсақәеи рымырхит

Аорперативтә информациа ахархәараан АҲЕ аусзуҩцәа Аԥсны атәылауаҩ Хынҭәба иныҟәигоз Honda Stepwgn амашьына гәарҭеит. Асалон ашьҭахьтәи ахәҭа иҭаҵәахыз Аԥсныҟа аагара изакәандоу аелектронтә сигаретқәеи (18 ҭопк) урҭ рзы аилаӡҩа (3 ҭоԥк). Иара убас ирбеит адекларациа змамыз акалиан азы аилаӡҩа 24 ҭопк. Атауарқәа имхуп. Азинеилагаразы аматериалқәа Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.

Акцизтә дыргақәа зқәымыз аҭаҭын ҭоԥқәеи арыжәтәи аадырԥшит Гагра араион аҟны

Аоперативтә-профилактикатә усмҩаԥгатәқәа рынагӡараан АҲЕ аусзуҩцәа Цандрыԥшьтәи ахәаахәҭратә обиектк гәарҭеит. Уи иалҵшәахеит Аԥснытәи акцизтә дыргақәа зқәымыз 242 ҭоԥк асигаретқәеи, 251 ҭоԥк акалиан азы аилаххырақәеи, ф-ԥаҭлықак иҭаз алкоҳольтә рыжәтәқәеи рыԥшаара. Атауарқәа иҭиуан Урыстәыла атәылауаҩ Потапов. Атауар имхуп. Азинеилагаразы аматериалқәа Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.

Қырҭтәылатәи амаркировка змаз аҩы аадырԥшит Гал араион аҟны

Аоперативтә информациа ахархәараан Хиацха ақыҭан АҲЕ аусзуҩцәа анаплакҩы Џьахаиа итәу ахәаахәҭратә обиект гәарҭеит. Уи иалҵшәахеит ақырҭуа бызшәала еиқәыршәаз амаркировка зқәыз ф-ԥаҭлыкак (36 литра) рыԥшаара. Аҩы рымырхит. Азинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.

2024 шықәса хәымз рзы ишьақәгылаз аплан нагӡан 138% рыла

Лаҵарамзазы еизгаз аҳазалхратә шәатәқәа 399,4 миллион мааҭ рҟынӡа инаӡеит. Ҳазҭо ашықәс хәымз рзы еизгаз ашәатәқәа 1 миллард 533 миллон мааҭ рҟынӡа инаӡеит. Аплан иалаҵан 1 миллиард 111 миллион мааҭ. Убас, аплан 38%, мамзаргьы 422,6 миллион мааҭ рыла иацҵан инагӡахеит.

Акалиан азы аҭаҭынтә аилаӡҩы рымырхит Гагра

Аоперативтә-профилактикатә усмҩаԥгатәқәа рынагӡараан Гагра ақалақь аҟны Чолокиан итәу ахәаахәҭратә обиект аҿы иаарԥшын Аԥсны Аҳәынҭқарратә акцизтә рбагақәа змамыз акалиан азы аҭаҭынтә аилаӡҩы 731 ҭопк. Атауар рымырхит. Азинеилагаразы аматериалқәа АҲЕ аусҭҵааратәии аусеилыргаратәии ҟәшахьы инашьҭуп.

Акриптоԥара арҳаразы аппаратқәа 35 аадырԥшит АҲЕ амаҵзурауаа

Аоперативтә информациа ахархәараан АҲЕ аусзуҩцеи, Аҳәынҭқарратә Шәарҭадаратә Маҵзуреи Очамчыратәи амилициа рмаҵзурауааи Аҭара ақыҭан иаадырԥшит амаининг-ферма. Акриптоԥара арҳаразы аппаратқәа 35 Аԥсны атәылауаҩ Баргашил идгьылҭыԥ аҿы игыло хыбрак иҭаҵәахын. Арҭ аппаратқәа инырхо афымцамчхара 122 квт/сааҭ рҟынӡа инаӡар алшоит. Аппаратқәа имырхит. Азинеилагаразы аматериалқәа АҲЕ аусҭҵааратәии аусеилыргаратәии ҟәшахьы инашьҭуп.

Аҭаҭын аалыҵ рымырхит агәаҭара-аушьҭырҭатә ҭып «Егры» аҟны

Аԥснынтәы Қырҭтәыла ицоз Гал араион анхаҩы Табагуа инапылеидара агәаҭараан аҳазалхратә ҭыԥ «Гал» аусзуҩцәа иаадырԥшит адекларациа змамыз асигаретқәа 200-ҭоԥк. Аҭаҭын аалыҵ имырхит. Азинеилагаразы аматериалқәа АҲЕ аусҭҵааратәии аусеилыргаратәии ҟәшахьы инашьҭуп.

Кавказтәи аибашьра иалаӡыз ргәаладыршәеит Аҟәа

Есышықәса лаҵара 21 аԥсуааи ирзааигәоу ажәларқәеи лахьеиқәҵарыла иргәаладыршәоит Кавказтәи аибашьра иалаӡыз. Акыр шықәса ицоз ашьхаруааи урыстәыла аимператортә ари реиҿагылара еилгеит 1864 шықәсазы, иагьылҵшәахеит зықьҩыла аԥсуа-адыгааи рымҳаџьыррала. Аԥсны аҭоурых аҿы арҭ ашықәсқәа рыцҳара дуны иԥхьаӡоуп. Иахьа Аҳазалхратә Еилакы анаԥхгареи аусзуҩцәеи Амҳаџьырцәа рбаҟа амҵан ашәҭқәа шьҭарҵеит.